年尾翻香港嘅朋友 可以留意吓 香港天星小輪HKD1搭船優惠， 海外AE卡都用到 ！ 優惠期至2025/12/31 天星小輪 | 美國運通 (香港) 今次翻香港， 用加拿大Amex卡成功入閘，食到優惠 ！ 就算計埋海外信用卡會有外幣交易費用 都仲平過長者樂悠卡HKD2🙂‍↕️ 成功震撼同行HKD2搭船的老媽子 優惠教學 唔需要任何事先登記，超簡單就食到優惠！ 閘機按Pay by Amex $1 > 嘟海外或香港發行嘅AE卡 > 入閘 Check翻statement，船費只係CAD0.18！！ 天星小輪平靚正，有山有海真係世界級 但填海搞到啲碼頭越搬越遠離民居，搞到少咗好多人搭，真係好可惜

話說年尾想睇吓MPF表現如何 先發現本身個MPF戶口已經登入唔到，被強制轉咗去eMPF🫩 eMPF登記本身可以用「智方便」，或者電子身份驗證 但由於有騙案出現，電子身份驗證兩星期前被下架🙄 宜家得翻「智方便」 MPF騙案｜eMPF遭偽冒開戶　12人受騙180萬　警拘5人包括主腦　積金易：停用eKYC方式註冊 本身無用開「智方便」 搞到要下載多一個app，去登記第二個app 已經覺得好弱智 點知原來「智方便」，係強制使用生物認證作身份認證🙄 咁我又無用開生物認證，亦唔想為咗佢開，就被強制退app🙄 鍥而不捨好想知道MPF結餘，發現原來係可以打電話問嘅... 積金易供款查詢專線：3197 2834 之後按1>2>1>3>3>1可以駁到真人聽電話 服務時間係香港時間星期一至五 9am-7pm（公眾假期除外） 聯絡我們 | 積金易網頁 佢會問你一啲確認身份嘅問題去核對身份 想知每份MPF最近結餘幾多，佢都會答到 但就未知幾時會開翻電子身份驗證，去登記eMPF戶口💁🏾 成件事我嘅感想係：白眼反到天靈蓋再反到落腳板底🙄🙄 未搞好個app同se

Lalaport係日本三井不動產旗下嘅購物商場Brand，係日本甚至台灣都有腳毛 最近去咗東京嘅Lalaport豐洲行街，海外遊客都唔見幾個 真係行得一個心曠神怡！！！ Lalaport豐洲位於東京都心嘅超臨海地段，因為豐洲係填海填出黎 塊地前身係石川島播磨重工業株式会社（即係宜家嘅IHI）造船工場跡地 雖然海外遊客唔多，但其實佢交通好方便，仲可以地底直駁商場，落雨都唔怕 東京Metro有樂町線 豐州站2b出口 ゆりかもめ 豐州站 由銀座一丁目搭過去都只係５分鐘車程 可以慢慢行街，唔使同人迫餐死 2025/12海外旅客優惠 免稅店 外國旅客：JPY500現金優惠劵 + 指定商戶優惠劵 三井花園酒店豐洲住客：JPY200現金優惠換領劵 (x2) KLOOK優惠劵贈品：休足時間一包（免費) 免稅店 免稅店鋪見下圖 包括MUJI、UNIQLO、PLST（官方高級版UNIQLO）、HANDS、ZARA、INGNI、GAP、靴下屋等等 暫時仲可以做到鋪頭直接免稅，唔使經PIE VAT app 購物前，記得先去 LaLaport TOYOSU 1座1樓嘅客戶

如果大家仲有養住個香港電話號碼，請打開你封塵的Payme 太耐無登入，有機會需要用香港電話號碼做認證 打開Payme，應該會拎到一張 welcome back voucher 銀碼HKD1-10不等 可以轉手捐贈予幫助大埔宏福范火災受影響人士嘅機構 低消銀碼係同現金劵銀碼一樣 即係你 一毫子都唔使拎出黎，係HSBC派錢俾你捐 Step 1: 查看你嘅Voucher銀碼 主頁面拉落少少 Vouchers > See all > 右上禮物盒 My Rewards Step 2: 揀選受惠機構 暫時搵到幾間機構都收Payme捐款 仁濟醫院： 為協助受影響家庭渡過難關，仁濟醫院董事局宣布透過「仁濟緊急援助基金」，為有經濟困難的死者家屬提供殮葬援助，以減輕其家庭負擔。仁濟醫院董事局呼籲有需要的市民可透過政府部門或社會福利署轉介，以便盡快獲得適切援助 捐款不會扣除行政開支 ，全數用於香港的慈善工作，使到有需要的人能直接得到幫助。 仁濟醫院緊急援助基金 支援大埔宏福苑五級火警災民 刻不容緩 >Payme QR Code: https://qr.payme.h