Public Mobile用戶有福了！ 6/26前用優惠碼PMDATA10，可以領取每月額外免費10GB數據 適用於原價超過CAD24月費計劃 已實測，即使係減價後，實付少於CAD24月費計劃都適用！！ 我自己用緊CAD20月費 (連稅CAD22.6；原價CAD40月費），加美墨5G 60GB plan 因為原價高於每月CAD24，所以都食到今次優惠 領取優惠詳細教學 手機登入Public Mobile app 按Payment > Redeem Promo Code 輸入優惠碼PMDATA10 > 按Apply > 按Submit 優惠應該已經成功redeem，但可以按Subscription > Usage Breakdown確認一吓 會多咗一格Promotion 10GB for 24months Public Mobile簡介 Public Mobile啲plan係好抵，尤其做優惠時真係做到好平 但持平啲講，轉台前有幾樣野建議先考慮，睇吓係咪真係啱自己 佢係全online公司 雖然係由TELUS持有，網絡係用TELUS/ BELL 但係客

大家喺加拿大一段時間，都應該會聽過以下呢兩張Cash Back信用卡 Rogers Red Mastercard Rogers Red World Elite Mastercard 早幾個月仲出咗張Rogers Red World Legend Mastercard 年費CAD495，但啲perks係完全唔值呢個價，可以直接唔理 呢兩張卡有咩特別呢？就係對Rogers相關帳單嘅現金回贈特別友好！ 唔止Rogers呢一間電訊商，仲包埋佢旗下嘅Fido同Shaw 如果你有用緊Rogers/ Fido/ Shaw，我強烈推薦你諗諗呢兩張卡！ 尤其早排Fido減價轉咗台嘅朋友，可以睇睇佢！ 宜家經GCR出卡仲有CAD60迎新現金回贈 出張無年費卡，仲可以有錢落袋 Rogers Red Mastercard 宜家經GCR申請，有CAD60迎新: Link Rogers Red World Elite Mastercard 經GCR申請，有CAD60迎新: Link Rogers Red信用卡最適合咩人？ Rogers/ Fido/ Shaw客戶、 唔想俾年

RBC Avion Visa Infinite/ Platinum Avion積分迎新大升級！2026年7月15日前申請+批卡，可享總迎新最多70k Avion積分！ 呢張卡嘅積分，最吸引香港人嘅，應該係可以1:1兌換Asia Miles 日常簽帳回贈係廢廢地，但出卡當俾年費去買70k AM，其實都抵到爛！ 如果有RBC指定銀行戶口，年費仲可能有得減/免！ 魔鬼在於細節，為免收唔足期望嘅迎新，T&C再無聊我哋都要一齊睇吓 2026年5月7至2026/7/15申請並獲批核，先有機會拎盡35k+20k+15k 嘅Avion積分迎 恒常offer只有35k；之前做過最高55k，70k咁高係第一次！！ 以下兩類客戶係無迎新offer: (1) additional cardholder (co-applicant and authorised user)、(2) RBC現有信用卡客戶，由另一張信用卡轉去RBC Avion。換言之，迎新只適用於主卡人申請RBC Avion as一張新嘅信用卡 (i) 35k Avion會於批卡後60日內發放。前提係派彩時，

今日同大家睇吓呢張睇落平凡到不得了嘅AMEX Green 以日常簽賬積分回贈黎睇，呢張卡真係廢到爆 簽任何消費都係1x積分，簽CAD1回1MR 1MR兌0.75Asia Miles，即係簽CAD1先得0.75AM 或者，CAD1 = 1MR = 1 Aeroplan/ BA Avios，都係一個爛大街嘅回贈率 加拿大隨手執一卡，都好難唔好過佢... 但係，好多人都無留意到，其實拎佢黎chok迎新任務賺MR係好正的！！ 首先，主卡無年費，持卡成本係零 其次，附屬卡都無年費，開附屬卡成本都係零；最多可以開9張 除咗開新主卡有迎新，AMEX不時會推出附費卡迎新優惠 即係可以呢張Green可以食主卡迎新，再開副卡食迎新 宜家都做緊一個：4/30前出最多2張附屬卡，可以賺到最多額外8,000 MR附屬卡迎新！ 加拿大AMEX新信用卡迎新，係遂款卡計 即係就算你已經持有其他AMEX主卡，例如Platinum/ Gold Rewards/ Cobalt 只要你未出過Green，都可以食到Green主卡迎新 出主卡無年費，迎新任務易做回贈好 迎新任務好易做：出卡

加拿大AMEX卡又有新一輪嘅附屬卡迎新啦！ 平心而論，今次offer無上次（ [加拿大信用卡] 10/30前加AMEX附屬卡 首3個月任何消費額外5x MR積分 ）咁好，但可以低成本、甚至無成本刷MR分的話，大家都可以考慮玩一玩 尤其Cobalt同Green，出新附屬卡無年費 換張卡簽，就可以袋額外MR，why not!! 今次要求係 4月30日前開新附屬卡 ； 首3個月用新附屬卡消費滿指定程度，就派bonus MR 消費程度分3級，用新附屬卡消費越多，派bonus MR越多 出卡時，記住要經優惠活動連結出卡！！ 普通咁開新卡，有機會食唔到附屬卡迎新 同埋 唔好用重覆人名出卡 ... 睇forum有人討論過，佢用自己主卡人名義出多張附屬卡，結果收唔到附屬卡迎新 官網： Supplementary Cards | American Express CA Platinum 附屬卡年費根據附屬卡種類而不同；可以出多張Platinum，或者低一級嘅Gold Rewards Platinum附屬卡：CAD250 頭兩張Gold Rewards附屬卡：無 之

2026年加拿大租金普遍都係繼續下跌，大家可以把握機會用業主傾減租，每個月減少固定支出，都係一件開心事！！ 千祈唔好諗住租金只可以有加無減 市場下滑時，我哋絕對有權要求align翻市場價格！ 住宅租金市場嘅market price，唔係某個大佬行出黎，指吓自己個鼻就型成 而係由眾多市場參與者，即係任何業主同租客磋商而成 附近街坊成功叫低佢份租金，你參考佢口價同業主傾，成deal的話又可以令下一個租客受惠 真係幫到自己幫到人！功德永動機！ 舊年同大家分享咗，我用咩 論點 用業主傾，成功減租CAD300： [日常慳錢攻略] 加拿大生活 同業主傾減租 今年傾到再減租CAD200，想同大家分享吓我 實際上點運用呢啲論點去寫 ，同埋背後點樣推算業主嘅心理 打招呼 + 表明要求減租幾多 目標：有禮貌地明確表達要求，禮多人不怪 Hi [name], I hope all is well! After reviewing the latest market trends, we would like to request a rent reduction of

國泰早前輕輕貶值Asia Miles，今日就派新活動俾大家賺翻500AM 只需要4/30前完成以下簡單任務： 登入Asia Miles app ，於首頁登記活動 啟動推送通知，維持啟用狀態至6/27 完成一項賺取Asia Miles的交易 住外地嘅朋友要留意，佢條款第一項，就話只俾居住在香港的國泰會員 不過任務都好易做，抱住「有就有 無就無 」心態試試都好！無蝕底 派彩時間大概係6月尾，即推廣期結束後8星期 登入Asia Miles app ，於首頁登記活動 啟動推送通知，並維持至6/27日 完成一項賺取Asia Miles的交易，黃色highlight係我覺得好易做嘅

近排中東打仗機票貴晒...如果你手頭上有 Asia Miles，今次國泰呢個「暖春里數回贈」優惠真係要睇睇！ 平時我哋換長途機票都燒唔少Asia Miles... 但呢個 10% 至 15% 嘅里數回贈 ，分分鐘幫你慳翻幾千里！啱晒要由加拿大翻香港嘅朋友！ 官網： 里數兌換旅程 暖春出發感受自然美 | 國泰 HK 項目 詳情 優惠內容 來回程：15% 里數回贈 單程：10% 里數回贈 登記及兌換日期 即日起至 2026年3月22日 （香港時間） 出發日期 2026年5月5日 至 6月30日 （香港時間 ，包括首尾兩日 ） 指定航點 美國、加拿大、澳洲、南亞（詳見下表） 包括咩航點同艙位？ 地區 指定目的地 適用客艙 北美 紐約、洛杉磯、三藩市、波士頓、芝加哥、達拉斯、西雅圖、溫哥華、多倫多 只限經濟艙 澳洲 悉尼、墨爾本、珀斯、布里斯本 所有艙位 南亞 德里、孟買、班加羅爾、清奈、海得拉巴、加德滿都、科倫坡、達卡 所有艙位 優惠適用於 由香港或以上指定航點出發 的 單程 或 來回 機票 例子 A（香港出發）：香港 > 多倫多（單程或來回）—— 得