加拿大神卡之一嘅AMEX Cobalt，賣點係積分/現金回贈比率高、保險福利算齊全就好多人都知；但用佢黎兌Asia Miles換國泰機票，其實都抵到爆！
AMEX Cobalt積分(MR)係點儲？
基本上每CAD1簽賬就會儲到1MR。以下簽賬項目有booster：超市、餐廳ー5x；串流媒介訂閱ー3x；交通ー2x。
MR可以點用？
每1,000MR可以兌換成CAD10 statement credit找卡數；但呢個係非常唔抵嘅玩法ー雖則5%cash back已經跑贏市面上一堆信用卡，但呢張卡可以幫你賺更多。
另外，都可以用黎換gift card同埋唔同產品，例如咖啡機、廚具。抵就⋯應該唔係好抵，但勝在有選擇嘅空間。
呢張卡最抵嘅玩法係，將MR轉成里數，再兌換機票。如果轉加航Aeroplan (AP)的話，1MR=1AP（*）；轉Asia Miles (AM)的話，1MR=0.75AM。另外仲有其他航空公司嘅積分可以換，例如英航、Delta。
（*）網絡相傳再抵啲嘅玩法，係出多張加航Aeroplan信用卡，以比非Aeroplan會員優惠嘅兌換率，以較少AP換取加航機票。但市面上好多AP信用卡都要年費，附加價值夠唔夠validate個年費，就要睇你消費模式，同埋坐加航坐得密唔密啦（例如TD AP Visa Infinite包持卡人及最多八名同行者每人一件寄艙行李，Nexus CAD100回贈）。
換機票多倫多<>香港ー加航AP or 國泰 AM？
以積分同錢嘅角度：國泰AM
以人為因素角度（機位超賣、行李寄失、機司罷工等）：國泰絕對穩定過加航，而且仲有直航到香港
以下計數，可以TLDR⋯⋯
以2024/09/17多倫多出發至香港航班嘅經濟艙位為例：
【國泰】38k AM + HKD1,145稅同附加費 （約CAD200）
【加航】60k AP + CAD145稅同附加費（最平）
稅同附加費兩間都差唔多，約CAD54/ HKD308，冇咩討論價值。
但以所需MR黎講，換取國泰機票比加航機票，慳到足足9.3k MR。詳見下表：
雖然MR換AM只有0.75x，但因為國泰舊年10月1日起，調低咗中途、長途及超長途經濟艙位所需AM（多倫多往返香港屬於超長途，由45k減至38k），所以所需MR都大幅減少。
留意翻，如果用舊制45k AM黎計的話，其實係同加航一樣，國泰機位以前都需要60k MR的。
提外話：國泰舊年改制，除咗減咗中途至超長途經濟倉里數，其他一律加加加⋯⋯
兌翻國泰機票現金等值，換AM即係慳咗幾多？
以2024/09/17多倫多出發至香港航班嘅經濟艙位為例，
【用錢買】機票all-in price：CAD1,729（約HKD9,855）
【換里數】AM 38k + HKD1,145稅同附加費
換言之，呢38k AM可以幫你慳到9,855 - 1,145 = HKD8,710（約CAD1,528）！留意翻，呢個機票現金原價係淡季價，旺季換到機票嘅話，會幫你慳到更多！
換AM同換statement credit比，即係慳多左幾多？
以一張單程多倫多去香港嘅經濟國泰機票為例，所需MR為50,667。
換做statement credit，相當價值為CAD500。換做AM再換機票，相當價值為CAD1,528（淡季價；換到旺季機票慳更多）。足足賺多3倍嘅價值！！是否大癲⋯⋯
計翻point value，CAD1,528/ 50,667 = 3 cents per point! 無得輸！
所以，有計劃要翻香港探下親朋戚友的話，千祈唔好忘記AMEX Cobalt係你嘅好朋友！
仲要國泰有直航，加航一定要轉機；老土啲講，時間都係金錢啊！唔係國泰打手，但的確多倫多往返香港換國泰真係好抵好抵好抵。
遲啲會再出篇文，詳細講下AMEX Cobalt有咩好處壞處，請密切留意！
Comments