[日常慳錢攻略] 加拿大生活同業主傾減租

相信對好多喺加拿大生活嘅朋友黎講，每月嘅租金支出都係一筆好大嘅固定支出。

今年租金市價，同往年比有下調。完咗頭一年死約嘅朋友，可以考慮吓同業主傾減租！

尤其係2023年時起租嘅朋友，果時成約嘅租金真係高到...

最近同業主傾減租，成功傾到每月租金減CAD300（因為本身個租係偏貴hahahaha）。今日同大家分享吓，我用咗咩論點做reasoning～

當然，傾到減幾多租，都取決於你本身租金幾多、同業主關係如何等等嘅因素。

大綱而言，就係說之以理。

對絕大部分嘅業主黎講，佢最關注嘅係佢嘅投資（i.e.你住緊果層樓），可以如何為佢帶黎穩定嘅每月收入。所以主旨圍住呢樣野黎講就無死。

除非個單位/業主真係好kam，我唔認為需要為咗減價，去講野踐低個單位/業主嘅。保持良好關係，大家有商有量就最理想！

1. 價格根據：租金市價比較

去上面呢兩個網，搵下：

(1) 同一棟樓嘅同類型單位，宜家租金係幾多

(2) 附近樓盤嘅同類型單位，宜家租金係幾多（尤其附近有新樓落成）

搵單位時，要留意埋包唔包車位、storage等等。呢啲野你未必用得著，但都會影響整個單位租金嘅價錢。

最好cap埋圖，圖文並茂咁，陳列俾業主睇宜家同類型市價係幾多。呢個價錢，就係你要negotiate嘅價格根據。

基於你提出嘅新租金/現時市價，向業主提出，呢個價錢喺未來一年黎講，都係合理、甚至有機會高於市價。

（係咪真係咁，無水晶球無人知，但嘗試說之以理先！）

點出政府政策對未來租金市場嘅影響：

(1) 加拿大政府收緊移民政策/ study permit政策，預期對租盤demand會下降

(2) [多倫多]市政府有政策去起多啲新樓，去增加樓宇供應，supply會上升

(1)+(2) -> 預期未來租金會下降

所以你提出嘅價錢，除咗符合現時租金市場，未來一年黎講，都係合理/對業主有利（保持humble，委婉少少寫。唔好寫到好寸「益咗你啦！」咁）

同業主表示你係一個盡責嘅好租客，提醒翻佢你做咗啲咩。

咁我地就要倒轉思考，作為業主，佢最想租客做啲咩？不外乎係：

好多業主遇到好租客嘅話，其實都唔會想佢走嘅。

因為對佢地黎講，佢地都唔會知下個租客係好定壞。

陣間搞到間屋要重新裝修、或者新租客係租霸，佢地就得不償失...

所以你真係做到一個盡責好租客的話，真係唔怕自讚！唔使怕醜！

視乎情況，如果你單位係持續咗高於市價一段時間的話，唔怕同業主講，你知道你一路付出緊多於市價嘅租金。

你宜家提出租金調整，只係想align翻market，唔係asking for something crazy。